.com.np दर्ता कसरी गर्ने

व्यक्तिका लागि: आवेदन पत्र र एउटा परिचयपत्र — नागरिकता, राहदानी, सवारी चालक अनुमतिपत्र, मतदाता परिचयपत्र, NRN परिचयपत्र, वा विदेशीका लागि आवासीय भिसा।

कम्पनीका लागि: कम्पनीको लेटरहेडमा सही र छाप भएको आवेदन पत्र, र कम्पनी दर्ता प्रमाणपत्र।

विदेशी संस्था वा INGO: नेपालमा दर्ता भएको शाखा वा सम्पर्क कार्यालयको प्रमाणपत्र र समाज कल्याण परिषद्को आबद्धता।

छाप नलागेको, सही नभएको वा म्याद गुज्रिएको कागजात अस्वीकृत हुने मुख्य कारण हुन्।

1. हाम्रो .com.np सहायक मा नाम खाली छ कि छैन जाँच्नुहोस्।
2. सहायकबाटै आवेदन पत्र (cover letter) तयार गर्नुहोस्, प्रिन्ट गरी सही र छाप लगाउनुहोस्।
3. register.com.np मा खाता खोली आवेदन भर्नुहोस् र कागजातको स्क्यान अपलोड गर्नुहोस्।
4. Nameserver मा आफ्नो होस्टिङ वा Cloudflare को ठेगाना राख्नुहोस् — IP ठेगाना होइन, नाम (FQDN) हुनुपर्छ।
5. स्वीकृतिको इमेल कुर्नुहोस्। कम्तीमा २४ घण्टा लाग्छ।

सूचना प्रविधि तथा साइबर सुरक्षासम्बन्धी एउटा मस्यौदा विधेयकले .np रजिस्ट्री सरकारी निकायमा सार्ने, दर्ता शुल्क लगाउने, हरेक दुई वर्षमा नवीकरण गर्नुपर्ने र पुराना डोमेन छ महिनाभित्र पुनः दर्ता गर्नुपर्ने प्रस्ताव गरेको छ। यो अझै मस्यौदा मात्र हो।

व्यवसाय .com.np मा निर्भर छ भने सोही नामको .com पनि राख्नु सस्तो सुरक्षा हो — नियम जे भए पनि नाम तपाईंकै रहन्छ।